Google ADS

Anthony Joshua – Joseph Parker, shikoni çfarë ndodh

19:01 | 16 Janar 2018
Arbresh.info

Anthony Joshua dhe Joseph Parker janë vënë për herë të parë përballë njëri-tjetrit, para meçit të paralajmëruar që do të zhvillohet në muajin mars.

Boksierët e peshave të rënda u takuan për herë të parë në hotelin Dorchester, ndërsa atmosfera vetëm sa ishte nxehur paraprakisht, meqë Parker dhe ekipi i tij kishin thënë se Joshua merrte steroide.

Madje kundërshtari i tij e kishte quajtur boksierin britanik “mbret të steroideve”, për këtë arsye 28-vjeçari kishte thënë se nuk do t’ia jepte dorën rivalit të tij.

Sidoqoftë, në fund Joshua dhe Parker dolën ballë përballë para kamerave dhe gazetarëve, dhe padyshim se sytë e tyre shprehnin shumë agresion.Të dielën është konfirmuar se Parker do të jetë kundërshtari i 21-të i Joshuas, përcjell Telegrafi.

Dueli ndërmjet të boksierit nga Anglia dhe atij nga Zelanda e Re, do të zhvillohet në Principality Stadium të Cardiffit më 31 mars.

Krahas titujve IBF, WBA dhe IBO të AJ, në garë është vënë edhe titulli WBO i Parkerit. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm